O Concello de Noia vai organizar este mes un curso de inglés básico dirixido a profesionais do sector da hostalería, co obxectivo de incrementar a súa competitividade a ampliar, tamén, a capacidade de atracción das empresas locais. A duración desta actividade formativa, que se presenta baixo o epígrafe A table for two (Unha mesa para dous), será de 10 horas en horario de mañá.
O curso está orientado a capacitar aos profesionais no dominio do inglés básico en situacións reais como atención ao cliente, xestión de reservas e atención telefónica. O número de prazas é limitado e as inscricións haberá que facelas antes do 28 de febreiro, a través da conta de correo culturaconcellodenoia@gmail.com indicando nome, DNI e teléfono.
