O Concello de Boiro desenvolve un novo ciclo do programa Muller e Saúde con actividades destinadas a informar formar en materia de saúde en asuntos que afectan ao benestar físico e emocional da muller. Os cursos son gratuítos e requiren inscrición previa no Centro de Información á Muller (CIM) de Boiro.
A primeira das actividades que se vai desenvolver é sobre educación emocional, na que se van traballar técnicas de relaxación. A formación vaise desenvolver o luns 29 de xaneiro en horario de 16.30 a 18.30 horas no salón de actos do Centro Social de Boiro.
Outra das actividades que se vai levar a cabo é un obradoiro sobre a alimentación na etapa da menopausia, que terá lugar o martes 20 de febreiro ás 11.00 horas no Centro de Saúde de Boiro.
Estas actividades desenvólvense coa colaboración do Servizo Galego de Saúde (SERGAS) e en consonancia co cumprimento do Pacto de Estado en materia de violencia de xénero.
As actividades do ciclo son gratuítas e requiren inscrición previa no Centro de Información á Muller (CIM) de Boiro mediante o enderezo electrónico cim@boiro.org ou o teléfono 981 84 48 00 ext. 1285.
