O alumnado do Obradoiro de Emprego Tahume IX visitou a sede de AMBAR

22 Xaneiro 2024

Este luns 22 de xaneiro o Centro de Recursos da Asociación Ambar das Persoas con Diversidade Funcional recibiu a visita do alumnado do Obradoiro de Emprego Tahume IX dos Concellos de Ribeira e Porto do Son, que se están a formar nas especialidades de Xardinería e Forestal (Conservación e mellora de montes).


Para mostrarlles o invernadoiro e o traballo que se leva a cabo nel, contaron ca colaboración de Manolo González, voluntario de AMBAR e promotor da agricultura ecolóxica, formando parte da Asociación Sachos á Rúa e levando a cabo obradoiros en diferentes escolas do Concello de Ribeira con rapazas e rapaces de entre 3 e 12 anos.

Ademais Manolo respondeu ás dúbidas relacionadas cos tipos de cultivo e abonos, así como co mantemento e os apeiros que se utilizan na agricultura ecolóxica. Explicou que a maioría son produtos autóctonos, pero que tamén se introduciron outros como o boniato ou a batata, xa que cada vez contamos cunha poboación máis diversa. Por último, puideron coñecer o Xardín Sensorial e observar as plantas e demais seres vivos que o compoñen.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.