Papá Noel incluíu na súa apertada e completa axenda de visitas e encontros coa rapazada os concellos da nosa comarca, tamén as parroquias de Porto do Son. Será o sábado 23 de decembro. O itinerario de Papá Noel polo concello sonense xa foi compartido polo Concello, co obxectivo de garantir que todas as crianzas teñan a oportunidade de velo e mesmo falar con el e expresarlle os seus desexos.
Estes son os horarios (aproximados) e as paradas programadas:
– San Pedro / Casa da Cultura >>> 11:00h – 11:20h
– Xuño / Casa da Cultura >>> 11:35h – 11:50h
– Caamaño / Casa da Cultura >>> 12:20h – 12:40h
– Queiruga / Casa da Cultura >>> 12:55h – 13:15h
– Baroña / Bar 85 >>> 13:30h – 13:50h
– Noal / Fronte á fonte de Cabanela >>> 16:00h – 16:20h
– Nebra / Local da Comunidade de Montes 16:40h – 17:00h
– Portosín / Praza do Curro >>> 17:30h – 17:50h
– Miñortos / Igrexa >>> 18:05h – 18:25h
– Porto do Son / Club Náutico >>> 19:30h
A visita de Papá Noel ás parroquias do concello virá acompañada polo Coro da Escola de Musica de Porto do Son.
O Concello explica que os horarios devanditos son aproximados e que a comitiva fará un esforzo especial para que sexan, finalmente, o máis exactos posíbel.
