A semana pasada o Concello de Outes deu a coñecer a tapa gañadora da II edición do #enOutesdeTapas, certame local impulsado co obxectivo de reivindicar a gastronomía do municipio e visualizar e dinamizar o bo facer do sector hostaleiro. A tapa mellor valorada e que recibiu o premio conxunto dos membros do xurado e dos participantes foi o Polbo crocante (Pulpo crujiente) do Restaurante Pepe do Coxo, do Freixo.
Segundo informou o Concello, nesta edición servíronse case 5.500 tapas (o dobre que o ano pasado) e cunhas valoracións moi altas, tanto por parte dos participantes coma dos membros do xurado.
Dende o Goberno local agradeceron a participación e implicación dos dez locais participantes (Asador Albatros, A de Vila, Pepe do Coxo, Taboleiro, John Turkey, A Nosa Taberna, Casa Amanda, Hostal Viña, Bar O Chouto e Restaurante Fera) o esforzo que fixeron “para mostrar o bo facer gastronómico de Outes”.
