Manuel Ruiz defende no Senado unha moción na que se pide ao Goberno a rectificación de excluír os produtos do mar da rebaixa do IVE

21 Decembro 2023

O ribeirense Manuel Ruiz defendeu na Comisión de Pesca unha moción do Partido Popular pola que se pide ao Goberno a rectificación de excluír os produtos do mar da rebaixa do IVE. “Non chegamos a entender as razóns do PSOE para continuar
un día máis con esta discriminación cara ao sector pesqueiro e marisqueiro”, afirmou, engadindo que “estamos ante un acto de xustiza ou, se mo permiten, de reparación dunha inxustiza”.

Ruiz, ex-alcalde de Ribeira, é vocal no Senado do Grupo Parlamentario Popular na Comisión de Pesca.

O senador pola Coruña lembrou que “o sector pesqueiro e marisqueiro supón máis de 40.000 postos de traballo directos en Galicia e, a pesar, de estar dedicado a alimentos saudábeis imprescindíbeis, o Goberno ignorou o impacto do incremento dos prezos e a progresiva e rápida diminución do seu consumo. Fixérono desatendendo as demandas do sector e as indicacións dos expertos, que advertiron dos efectos perversos e a competencia desleal doutros produtos fronte aos produtos do mar respecto”.

Na súa intervención lembrou que a bancada socialista é “o único grupo parlamentario que non apoia a medida” e alertou do descenso do consumo dos produtos da pesca do 12% no último ano: “Cómprase menos veces, en menor cantidade e en máis da
metade desa rebaixa é en familias con fillos, cando a inxesta de peixe é unha parte fundamental no seu crecemento”, explicou, engadindo que “a rebaixa do IVE do peixe, marisco e conserva é un caso xusticia social”. Tamén explicou que é unha “reivindicación” de moitos gobernos autonómicos pero tamén unha recomendación da Comisión e Parlamento Europeo: o propio comisario de Economía, Paolo Gentilone, confirmou a “conveniencia” de que o tipo impositivo para os produtos do mar sexa o máis baixo posíbel nos estados membro da UE. E engadiu: “Mentres moitos países efectivamente aplican estes tipos reducidos, o Goberno de Sánchez desatende as recomendacións de Europa, aos expertos e ao sector no seu conxunto”, sinalou Ruiz.

Outros artigos

Sábado seguen os chuvascos e a temperatura mantense

O sábado seguiremos con chuvascos xeneralizados localmente acompañados de saraiba, perdendo frecuencia e intensidad co paso das horas. Durante á tarde achegarase unha fronte que deixará precipitacións en todo o territorio. As temperaturas mínimas non sufrirán cambios...

+

Publicidade

Revista en papel

Opinión

“Celebrando a  Rosalía de Castro”. Antía Pereira

“Celebrando a Rosalía de Castro”. Antía Pereira

“Celebrando a Rosalía e o seu día celebramos o que nos une, o que nos representa e o que nos move. Poucas figuras concitan ó seu redor a unanimidade que convoca Rosalía. E iso en boa medida porque ela soubo tocar as cordas, unha a unha, aínda que fose de distinto...