Cóctel molotov dana a embarcación do presidente dos mariscadores de Aguiño
A embarcación do presidente da agrupación de mariscadores da Confraría de Aguiño ameneceu este martes afectada polo lume, tras o lanzamento dun artefacto incendiario. O lume calcinou a lona de protección e algúns elementos do barco.
O presidente dos mariscadores, Manuel Ángel Reiriz, decatouse do ocorrido á primeira hora desta mañá, cando acudiu a recoller os aparellos da embarcación. Entón comprobou que o lume derretira lona de protección da mesma, así como afectado o chan e a outros elementos da lancha.
Os feitos foron postos en coñecemento da Policía, que se desprazou ata a zona con varios efectivos para recoller probas, entre elas un elemento similar a un cóctel molotov que puido ser lanzado con lume á embarcación. Está en marcha unha investigación.
