A parlamentaria Iria Carreira reúnese coa veciñanza de Dodro mobilizada para reclamar mellor servizo no Centro de Saúde

26 Decembro 2023

Continúan en Dodro as mobilizacións da veciñanza, apoiada por agrupacións política como o BNG local, para acadar un mellor servizo no Centro de Saúde, que, segundo explican, está a ser vítima dos recortes en saúde perpetrados polo Goberno galego. Pasada a xornada de protesta a este martes, por cadrar o luns 25 de decembro en festivo (Día de Nadal), as veciñas e veciños achegáronse ao ambulatorio emprazado en Lestrobe acompañadas/os pola parlamentaria do BNG Iria Carreira, que puido tomar nota das queixas polos recortes, “hoxe ademais con dúas persoas menos”, sinalaron.

A veciñanza que acudiu ao Centro de Saúde agradeceu ao BNG a actividade desenvolvida para reclamar á Xunta a recuperación do servizo, ao mesmo tempo trasladoulle os problemas e trastornos que sofren ao non ter a mesma asistencia sanitaria que tiñan hai un mes.

“Nunha hora unhas corenta reclamacións dan boa conta do cabreo polos recortes”, dixo o portavoz municipal Xoán B. Mariño, engadindo que “hoxe o servizo de enfermería e médico do andar de arriba avisaban que se atende no andar de abaixo”.

A deputada do BNG Iria Carreira cursou no Parlamento, debido a esta situación as demandas veciñais de Dodro coa intención de “que a Xerencia da Área Sanitaria compostelá lle devolva a Dodro a normalidade e así non saturar outros servizos como PACs ou urxencias hospitalarias”.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.