Ribeira mobilízase este domingo día 26 en demanda dun transporte público digno

24 Novembro 2023

O domingo 26 de novembro, a recentemente constituída Plataforma Cidadá por un Transporte Público Digno para O Barbanza organizará a súa primeira protesta na Praza do Concello de Ribeira ás 12 do mediodía. Esta plataforma, formada por usuarios afectados e representantes de Anpas e outros colectivos, busca solucións ante o deficiente e neglixente servizo de transporte público na zona.

Este colectivo xurdiu a partir da iniciativa de tres veciñas de Castiñeiras que recolleron preto de 3.000 firmas co mesmo obxectivo. Ademais, integrantes de plataformas similares en Ferrol e Vigo puxéronse en contacto con elas para animalas a constituírse oficialmente. Espérase que estoutras plataformas tamén organicen mobilizacións o mesmo día ou en datas próximas en Galicia.

A plataforma buscará presionar á Consellería de Mobilidade e outros departamentos do goberno autonómico para que tomen medidas e cambien a situación. Tamén solicitan á Xunta que corrixa as deficiencias do servizo, que consideran graves e neglixentes, e que sexan máis receptivos ás queixas e denuncias presentadas.

Entre as deficiencias do servizo que denuncian atópanse a falta de puntualidade, incumprimento de horarios, eliminación de liñas de autobuses sen aviso previo/previo aviso, falta de sinalización e marquesiñas nas paradas, ausencia de horarios e falta de claridade nos que hai, escasa frecuencia de autobuses, entre outros problemas. Ademais, demandan horarios acordes ás necesidades escolares e laborais, evitar transbordos innecesarios, coordinación de horarios entre autobuses, suficiente número de vehículos e prazas, e que os vehículos estean adaptados e en bo estado.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.