A Asociación de Empresarios de Ribeira presentou este 20 de novembro os detalles da celebración local do Black Friday, impulsada pola patronal ribeirense para o vindeiro venres 24 e, tamén, para o sábado 25.
A través do Black Friday da Asociación de Empresarios de Ribeira sortearanse 500 euros en vales de compra: 200 euros entre os tíckets de compra rexistrados na páxina web da patronal o venres 24; e 300 euros entre os tíckets de compra rexistrados, tamén, na páxina web da patronal durante o sábado 25. O sorteo realizarase o luns 27 de novembro.
Trátase dunha campaña financiada pola Xunta de Galicia.
