Muros presenta a súa campaña “Muros consume consciente” para apoiar ao comercio local e porlle cor ao venres negro

17 Novembro 2023

O Concello de Muros presentou hoxe a súa campaña para impulsar o consumo responsable e o comercio local e de proximidade, facendo fronte ás ofertas das grandes cadeas como o Black Friday.
A campaña, promovida dende o concello e coordinada por varios axentes locais comprometidos como son Espazo A Maceta, Fresco y del Mar, Auga e Sal e Galuriña, presentouse no antigo cine París de Muros coas intervencións de María Lago, alcaldesa de Muros; Laura Eiras, concelleira de Promoción Económica, e Alba Fernández, coordinadora da campaña (Espazo a Maceta).
“Muros Consume Consciente é unha campaña para concienciar sobre a necesidade dun consumo responsable, ademais de apoiar ao comercio local a loitar contra as prácticas consumistas das grandes superficies, que afogan ao comercio de proximidade”, explicou María Lago.
“Consultado o comercio local, todo o sector coincide en que campañas como o Black Friday o que fan é limitar as súas posibilidades e renunciar aos beneficios con moita máis carga de traballo”, engadiu a alcaldesa.
En palabras de Lago, “cremos que hai que darlle unha volta a esta situación, coñecendo tamén a irresponsabilidade que hai detrás destas prácticas consumistas, promovendo un consumo responsable e apoiando á sociedade e o comercio local”. “En definitiva, dándolle cor ao venres negro”, rematou.
Laura Eiras agradeceu “a implicación que desde un primeiro momento mostrou o comercio local” e Alba Fernández apuntou que “a campaña está deseñada para transmitir a mensaxe do consumo consciente dende a comunidade educativa e creando dinámicas de participación cos veciños de Muros”.

Lembrou por último as actividades previstas para os próximos días, “con iniciativas de concienciación cos centros educativos, mesas de debate, exposicións, vestindo de negro os escaparates dos baixos para despois facer instalacións de tape art sobre eles, ou a lectura dun manifesto o próximo venres, 24 de novembro”.

Outros artigos

Terbutalina presenta este venres “Era Cabra” na Sala Malatesta

Este venres día 8 de decembro, a partires das 21 h, celebrarase en Santiago, na Sala Malatesta, unha festa con empanada, vinilos, camisetas e moito rock. Así presentan a banda muradá (de Esteiro) Terbutalina a súa posta de largo de Era Cabra en Compostela. A piques de...

+

Publicidade

Revista en papel

Opinión

“Una vida para el recuerdo”. Manuel Dominguez

“Una vida para el recuerdo”. Manuel Dominguez

Me siento plácidamente en una butaca y más que soñar me pongo a mirar atrás, muchos años atrás, años vivido en una infancia llena de necesidades, pero pletórica de imaginación. Y sin llorar me pongo a recordar, aquellos barquillos en forma de cono o planos que en...

“Facer cola”. Xulio Xiz

“Facer cola”. Xulio Xiz

A venda de lotería polo Nadal provoca colas que se ata hai pouco se formaban os días previos ao sorteo agora, igual ca todas as celebracións, se amplían de maneira que xa hai que facelas para mercar un boleto que pode facernos ricos, de paso...