Este domingo 19 Cambados acollerá un acto de homenaxe cívica ás persoas de dona Josefina Blanco Tejerina e Xaquín do Valle-Inclán Blanco, muller e fillo do ilustre escritor galego don Ramón do Valle-Inclán respectivamente, cuxos restos mortais están enterrados no cemiterio de Santa Mariña de Dozo, na vila valleinclaniana de Cambados. Unha localidade que foi residencia da familia deste escritor universal durante o período de 1912 a 1916. No acto participarán autoridades do Concello de Cambados e representantes do Foro Galicia e Valle-Inclán.
O acto celebrarase o domingo, 19 de novembro ás 12:00 h no camposanto de Santa Mariña de Dozo.
