O programa cultural FalaRedes da Secretaría Xeral de Política Lingüística está levando a varios concellos da nosa comarca, este outono-inverno, o espectáculo teatral para a rapazada Os Bolechas visitan en familia unha galería de arte, protagonizado polos personaxes creados polo debuxante Pepe Carreiro.
Logo das citas ren Rianxo (o 28 de outubro), en Porto do Son (o 29) e na Pobra do Caramiñal (o 4 de novembro), o espectáculo recalará en Muros o día 3 de decembro, ás 12.30 horas no Auditorio do Centro Cultural e Xuvenil.
Nesta nova función atoparemos aos Bolechas nun museo de arte onde se poden contemplar cadros do tempo dos seus avós, e dos seus bisavós, e dos seus tátara-tátara-tataravós… cadros por exemplo as obras de Castelao, Lugrís ou Picasso.
