Un veciño do barrio de Conxo en Santiago faleceu a primeira hora desta mañá alcanzado por un coche. O sucedeu aconteceu na rúa da Poza Real de Arriba, en Conxo, en Santiago de Compostela. Trátase da vella estrada de acceso a Santiago antes de existir a ponte da Rocha.
Ao fío das 06:00 horas desta mañá, o persoal do Servizo de Urxencias Sanitarias de Galicia-061 informaba ao 112 Galicia dun atropelo a unha persoa. Engadían, ademais, que o vehículo implicado continuara a marcha.
Así, con estes datos, os xestores do 112 puxeron os feitos en coñecemento dos axentes da Policía Local, da Nacional e dos Bombeiros.
Nada mais chegar ao punto, os servizos sanitarios tan só puideron confirmar o falecemento da persoa. O veciño parece paseaba o seu can era unha persoa moi coñecida no barrio e tiña 59 anos. O suceso conmocionou á barriada e a Asocación de Veciños vén amosando desde hai tempo a falla de luz e o exceso de velocidade dos coches na zona utilizada por moitos coches para evitar a ponte e con iso acceder á capital.
Segundo informa a Policia Nacional de momento hai dúas persoas detidas polo suceso.
foto: O Barbanza
O atropelo colapsou a zona e os accesos a Santiago e da autovía a Noia polos controis policias.
