A Biblioteca Municipal de Outes acolle o vindeiro martres 10 de outubro un espectáculo de contacontos para público infantil e familiar. Trátase do conto Zapatiños de cartón e a carta dos bosques, a cargo do narrador, escritor e activista medioambiental Anxo Moure (o Carballo con Botas). Será a partir das 17.30 horas. Para asistir hai que anotarse previamente na Biblioteca (Casa da Cultura de Outes) ou a través do teléfono 981 850 950.
Ao remate do conto cada nen@ levará para a casa un zapatiño de cartón para pintar e regalar a quen queira.
Anxo Moure
Nado en Chantada o 28 de decembro de 1963, é un escritor e contacontos galego. Contacontos dende 1989 e barqueiro da A.C. Barcas do Miño con experiencia de 25 anos no manexo de embarcacións tradicionais e con actuacións no Miño e no Cabe, no Ulla e mais no mar da Illa de Arousa. As súas actividades son cómicas e divulgativas, enmarcadas no ecoloxismo e o ecopacifismo Impulsou a creación do Cinema Palleiriso na aldea de Garabelos, na parroquia de Mariz.
