Co obxectivo de facilitar a afluencia de visitantes durante a semana das Festas da Guadalupe (do 8 ao 15 de setembro na vila de Rianxo) e favorecer a seguridade e accesibilidade, o Concello e a comisión de festas (Asociación A Moreniña) habilitarán diferentes puntos de estacionamento en distintas localizacións da vila. Ademais dos puntos de aparcamento habituais, durante os festexos contarase con espazo para albergar a aproximadamente 3.000 vehículos. O Concello achegou na Rede unha ligazón para consultar cómoda e rapidamente o mapa de puntos de estacionamento habilitados (unha ducia de parcelas repartidas por toda a contorna da localidade).
