O mago galego Jorge Lorenzo estará este venres 8 de agosto en Escarabote (Boiro) para achegar un espectáculo dirixido ao público familiar e infantil: Da imaxinación á realidade. Será ás 20.00 horas no Centro Social de Escarabote.
Jorge Lorenzo é un ilusionista vigués que traballa con técnicas de mentalismo arredor das cartas e outros obxectos e que na súa carreira ten destacado polo seu espírito solidario (protagonizou certames cuxa recadación ía destinada a ONG que traballan nos países máis desfavorecidos de África).
