A Casa da Cultura de Boiro Ramón Martínez López vai acoller este venres 22 de setembro un espectáculo de maxia do ilusionista Joshua Kenneth, a partir das 20.00 horas. Trátase de Degustación de imposibles, unha proposta para público infantil e familiar de máis de 4 anos. A cita abéirase ao programa municipal Mes da Maxia. Organizan o Concello de Boiro e a Deputación da Coruña.
Degustación de imposibles é unha obra apta para todos os públicos creada polo ilusionista guiri-galego Joshua Kenneth. No espectáculo a realidade do público distorsiónase con abraiantes elementos visuais e poéticos como as pompas de xabón, os panos de seda ou as sombras chinas.
Son, en palabras da produtora Urdime, “setenta minutos de asombro, humor e misterio, mesturado cun pouco de historia do ilusionismo… Unha experiencia interactiva, divertida e artística que deleita ao espectador convidándoo a entrar nun mundo onde todo se presenta susceptíbel a ser transformado, onde nada e imposíbel”.
