Escarabote (Boiro) vai dar acollida este sábado 16 de setembro á representación do espectáculo Frumario o bibliotecario, unha función para público infantil e familiar de Manuel Pombal. Será ás 11.00 horas na Biblioteca de Escarabote. Trátase dun espectáculo do programa autonómico de dinamización da lectura Ler Conta Moito. Nesta función, da man dun personaxe “moi especial” os nenos e nenas descubrirán os segredos máxicos que se esconden nos andeis da biblioteca. Dinámicas escenas de fantasía, asombrosas narracións., ciencia, poesía, música… sorprenderán aos participantes, animándoos a buscar os tesouros que a lectura nos ofrece: emoción, misterio, diversión…
Esta actividade atópase incluída no programa de dinamización da lectura Ler Conta Moito que promove a Secretaría Xeral de Cultura da Consellería de Cultura, Educación e Universidade da Xunta de Galicia a través da Rede de Bibliotecas Públicas de Galicia, en colaboración cos concellos e coas súas bibliotecas.
