Este 1 de outubro dará comezo en Rianxo o VI Ciclo de Novos Intérpretes, que abranguerá ata o 26 de novembro, con 5 propostas musicais.
A axenda comeza este domingo co Trío Ardora (óboe-viola-violonchelo) enmarcado no VI Ciclo de Novos Intérpretes. Será ás 12.30 horas, na Sala Arcos Moldes do Auditorio de Rianxo. Trátase dunha función para todos os públicos, gratuíta até completar capacidade. O concerto está organizado pola Escola de Música de Rianxo coa colaboración do Concello de Rianxo e da Deputación da Coruña.
O domingo 15 será a quenda de Belén Carril Miguéns (fagot), o 29 de outubro de Emma Giménez (trombón) e Félix Rodríguez (bombardino), o 12 de novembro de Uxía García Conde (frauta travesa) e Alberte Núñez Martínez (acordeón) e o 26 de novembro do Ensemble de Clarinetes da Escola de Música de Rianxo.
