Os traballadores do Concello de Ribeira rozaron esta tempada tempada máis de 25 quilómetros de camiños e estradas

30 Agosto 2023

O Goberno local de Ribeira fixo balance dos labores realizados para acondicionar o viario local con vistas a protexer á poboación e ás estradas dos incendios, e con vistas tamén a acadar unha mobilidade máis segura. Segundo fixeron saber fontes do Consistorio, os traballadores do Concello de Ribeira acometeron no último mes traballos de roza en máis de 25 quilómetros de camiños e estradas en todo o termo municipal.

“Estas tarefas son esenciais para a prevención de incendios así como para evitar a acumulación de sedimentos”, explicou o alcalde Luís Pérez Barral, engadindo que “por iso estamos a limpar as gabias e cunetas antes de que comece a tempada de chuvias”.

Os traballos centráronse sobre todo en Aguiño, Corrubedo, Palmeira e Oleiros, e axiña comezarán en Artes, Olveira, Castiñeiras e Ribeira.

Outros artigos

Publicidade

Revista en papel

Opinión

“Eurocopa”. Xulio Xiz

“Eurocopa”. Xulio Xiz

Noto o peso dos anos, máis ca fisicamente nas continuas referencias a tempos idos. E non porque xeneralice a bondade do pasado, que moito habería que matizar, senón porque o paso do tempo me vai permitindo comparar situacións que me parecen aberrantes. O deporte –...