O alcalde de Ribeira, Luís Pérez Barral, mantivo este mércores 9 de agosto unha xuntanza co arquitecto inglés afincado en Corrubedo David Chipperfield, impulsor principal da Fundación RIA, entidade independente e sen ánimo de lucro dirixida a reivindicar a sustentabilidade produtiva e arquitectónica e recuperar os modelos tradicionais económicos, construtivos, territoriais e sociais da nosa comarca e doutras contornas xeográficas de características semellantes.
No encontro, tratáronse posíbeis vías de colaboración co Concello de Ribeira no tocante á ordenación e xestión sustentábel do territorio para mellorar a calidade dos entornos habitábeis e preservar a identidade e os valores culturais.
