O alcalde de Rianxo, Julián Bustelo, e a Concelleira de Política Social, Ana Vidal, recibiron este xoves 17 de agosto, na Casa Consistorial, aos nenos e nenas saharauís acollidos por familias rianxeiras no marco do programa Vacacións en Paz promovido pola entidade solidaria SOGAPS: Solidariedade Galega co Pobo Saharaui.
Ademais do acto oficial de recepción, o rexedor fixo entrega á dita entidade dos máis de 1.300€ recadados na andaina solidaria celebrada fai unhas semanas e os nenos e nenas puideron desfrutar dunha viaxe na histórica goleta Evangelina, con sede no porto de Rianxo.
