A Casa da Cultura de Porto do Son vai acoller este venres 18 de agosto a presentación do libro Estampas de Porto do Son, de Fernando Facal, un achegamento visual aos moitos tesouros ambientais, históricos e turísticos de Porto do Son, das súa vilas, das súas xentes, do seu monte e do seu mar. O acto comezará a partir das 19.30 horas.
O libro está editado pola axencia de comunicación compostelá Lúdica Libros (Lúdica7), centrada en divulgar o noso rico patrimonio a través de publicacións, exposicións, comunicacións e contidos na Rede. Lúdica é responsábel da publicación recente dun libro que documenta a beleza paisaxística, natural e patrimonial do concello do Grove.
