O Concello de Rianxo informou do comezo, con este arrinque de agosto, das obras para a dotación de redes de saneamento e abastecemento de auga no lugar de Quintáns, pertencente á parroquia de Isorna.
O proxecto adxudicóuselle á empresa Mecano Obras y Reformas S.L. por un importe de 177.915,61€.
Fontes do Consistorio engaden que “ao remate da actuación o núcleo de Quintáns contará con 1.063 metros de rede de saneamento e 1.066 metros de rede de abastecemento de agua para consumo”.
As obras a executar constarán basicamente de unha escavación en gabia cun ancho e profundidade variábel segundo as distintas canalización a dispoñer. Despois de realizar esta operación será preciso encher as gabias con material específico ou con formigón en masa para, por último, realizar un pavimentado das vías afectadas polos traballos.