O Concello de Rianxo informou da adxudicación dos traballos para dotar de rede de saneamento o lugar de Pousada, na parroquia de Araño. As tarefas serán executados pola empresa Mecano Obras y Reformas S.L. e contan cun orzamento de 204.235,27€.
O proxecto prevé conectar á rede xeral do Concello no Carballal, previo cruzamento da estrada autonómica AC305, un total de 25 vivendas do núcleo en caída sen empregar ningún pozo de bombeo. Fontes do Consistorio engadiron que “unha actuación previa nesta estrada antes da construción das beirarrúas do Araño favorece este cruzamento”.
Tras acometer as obras, o proxecto recolle a reposición en asfalto quente de todo o pavimento por onde discorre a obra.
