Xerais 2023: O Bng sube na comarca en votos. Valoración positiva das eleccións estatais do responsable comarcal da formación, Luís Pérez Barral

24 Xullo 2023

O alcalde de Ribeira fai unha valoración dos resultados electorais da xornada de onte:

Unha vez máis o BNG volveu subir nunha cita electoral con 31.000 votos adicionais a nivel galego até acadar as 151.200 papeletas, un 25% máis que nos comicios de 2019, un resultado que permitiu manter un escano reforzado que servirá para defender con máis forza Galiza no Congreso, colocando a axenda galega no centro da política estatal.

En Galiza, o Bloque e a única forza política alternativa ao PP que sube, e a nivel estatal e unha das dúas únicas formacións nacionalistas que aumenta en número de votos, ademais, quedou a 3.000 votos de conseguir o escano de Pontevedra.

A nivel da Barbanza, o BNG mantense en porcentaxes próximas ao 12% e sobe en practicamente nos catro concellos, subindo especialmente en Ribeira con 600 votos máis que nos anteriores comicios.

En todo caso, o responsable comarcal, Luís Pérez Barral, recalcou “non estamos satisfeitos co resultado, queríamos máis por ambición de País pero é certo que a campaña desenvolveuse nun contexto moi difícil, especialmente polarizado no bipartidismo, cun falso enfoque presidencialista e costou moito facer chegar as nosas mensaxes centradas en Galiza”.

Barral augura que o escano do BNG vai ser decisivo para poder conformar un goberno “e o BNG ten toda a vontade de cumprir co prometido en campaña: darlle voz e forza a axenda galega e tamén frear calquera tipo de involución democrática e, neste sentido, parabenizámonos de que hoxe haxa un escenario que evite un goberno da dereita da man da extrema dereita machista, racista e xenófoba, un escenario ao que tamén contribuíu o voto ao BNG”,

O responsable comarcal inicidiu no avanzado pola portavoz nacional do BNG Ana Pontón para explicqr que “desde xa o BNG tende a man para poder negociar un goberno alternativo ao da dereita e a extrema dereita antigalega, unha negociación na que se impulse a axenda galega e se avance en dereitos, liberdades e que sigamos avanzando na defensa de Galiza”.

Outros artigos

Ambar organiza unhas xornadas deemprego en Ribeira e Rianxo

A Asociación Ambar das Persoas con Diversidade Funcional organiza este mes de xuño unha actividade para romper barreiras en materia de emprego e igualdade: as Xornadas de Emprego dirixidas a mulleres con diversidade funcional. Desenvolveranse nos concellos de Ribeira...

+

Martes con sol e lixeira baixa das temperaturas

O martes o anticiclón retírase cara ao oeste, polo que se irá perdendo o réxime de ventos do nordés e entrarán ventos máis húmidos de compoñente oeste. Asi comezaremos a xornada cos ceos pouco nubrados ou despexados. A partir do mediodía entrarán as brétemas costeiras...

+

Publicidade

Revista en papel

Opinión

“Cariño: un pequeno gran punto negro contaminante”

“Cariño: un pequeno gran punto negro contaminante”

Non se sabe con exactitude o grao de contaminación que pode provocar en Galicia unha empresa que, como Altri (en Palas de Rei, Lugo), vai utilizar o eucalipto como materia prima a partir da que extraer fibras téxtiles; máis é evidente que existe medo ao que a...

“Tiempos verbales”. Alberto Barciela

“Tiempos verbales”. Alberto Barciela

No sé en que justo momento, si es que lo hubo alguna vez, perdimos el rumbo político y el social. No identifico en qué instante se distrajeron las referencias de los valores esenciales para la convivencia, para el entendimiento, para la discusión constructiva y la...