Tanxugueiras nomeadas en sete categorías dos XV Premios MIN da Música Independente que se entregan este 17 de maio

14 Maio 2023

Tanxugeiras, grupo integrado pola aguiñense Aída Tarrío e as irmás Sabela e Olaia Maneiro, son o grupo con máis nomeamentos nos XV Premios da Música Independente (MIN), que organiza a Unión Fonográfica Independente, cun total de sete candidaturas noutros tantos dos 21 galardóns. A cerimonia de entrega dos premios terá lugar este 17 de maio no Auditorium de Palma de Mallorca.

Catro das cantidaturas son para o disco “Diluvio” nas categorías “The Orchard” ao Álbum do ano, “Álbum Música de Raíz”, “Álbum Gallego” e “SAE Spain” á Mellor Produción musical -de Iago Pico e Tanxugueiras-, así como a “Mellor Letra Orixinal” pola canción “Pano Corado”, o “Sympathy for de Lawyer” ao Mellor Videoclip por “Averno”, o “Ticketmaster” ao Mellor Directo pola “Xira Midas”.

Moi preto, con seis nomeamentos, posiciónanse Os Estanques e Anni B Sweet, grupo co que Tanxugueiras competirá nas categorías ao mellor álbum do ano, mellor directo e produción musical; a cantante Zahara, con cinco candidaturas, e coa que rivalizarán polos galardóns ao mellor directo e á mellor letra orixinal. Con catro oportunidades de levar o premio figuran Vicente Navarro, e as Ginegras, mentres que Rigoberta Bandini, Alice Wonder ou As Faragullas optan a tres premios cada un.

Os Premios MIN están amparados pola Unión Fonográfica Independente coa intención de levar e compartir a diversidade da música independente por todos os lugares de España.

Outros artigos

A Pobra do Caramiñal mostra xa ao Valle-Inclán máis íntimo

A cesión de obxectos persoais e mobiliario do Pazo da Mercé onde residiu o autor, xunto á súa biblioteca persoal, completa a colección do seu museo na localidade coruñesa. O pleno do concello da Pobra do Caramiñal aprobaba esta mesma semana unha corrección de erros...

+

Publicidade

Revista en papel

Opinión

“Oporto”. Alberto Barciela

“Oporto”. Alberto Barciela

Oporto puede seguirse en el sentido serpenteante de un río, o en la vertical de un océano, ascenderse o descenderse por meandros encajados en calles que a veces semejan acantilados, que siempre se precipitan hacia agua, una urbe universal cerca del tiempo que le tocó...