O Ministerio de Agricultura, Pesca e Alimentación concedeu hoxe -a través do convenio que ten asinado coa Sociedad Anónima Estatal de Caución Agraria (SAECA)- un aval á sociedade anónima Porto de Celeiro que lle vai permitir pór en marcha o seu novo modelo de negocio co que pretende acadar unha frota máis sostible e dar máis valor aos seus produtos.
É este un paso avante na modernización do sector pesqueiro e acuícola a través do financiamento da actividade dos seus operadores.
Porto de Celeiro é un dos principais produtores españois de pescada do Atlántico Norte. A súa frota concentra o 37% da capacidade pesqueira española desta especie, de se sumar as capturas realizadas en augas comunitarias non españolas e as do caladoiro nacional Cantábrico e Noroeste.
O reafianzamento dos avais permitirá a Porto de Celeiro poñer en marcha o seu novo modelo de negocio e organización integral que ten como obxectivo a sustentabildade da frota e a valoración do produto en cada unha das actividades da cadea de valor, o que vai repercutir a medio prazo no prezo do produto en orixe. a rendibilidade dos socios e o seu crecemento.
Medidas deste calibre deberan tomarse asimesmo en portos galegos como os de Ribeira, Burela, Cangas -entre outros- precisados como están desa rendibilidade que permite medrar positivamente de xeito que tamén medre o lugar do seu asentamento.
