O vindeiro domingo 28 de maio, terá lugar no Araño (Rianxo) a III edición da Romaría do Bandullo, desta volta adicada ao polbo e ao churrasco, da man de Pulpería Mera.
Como novidade, nesta edición non será preciso facer reserva previa. Antes do xantar, as persoas asistentes poderán desfrutar dunha sesión vermú amenizada polo grupo The Cuncas, o cal voltará actuar ás 17.30 horas.
Outras actividades das que se poderá desfrutar son os xa clásicos xogos populares, bingo e karaoke. “Todo isto”, lembran dende a organización, “no incomparable marco da Carballeira onde tamén estará situado un mercado de artesanía”.
