DATAS, PRAZAS, LUGAR E HORARIOS:
CAMPAMENTO DE VERÁN “XOGA CON NÓS”
Período: do 3 de xullo ao 31 de agosto de 2023.
Número de prazas: 120 participantes. Agrupamento máximo de 30 participantes.
Destinatarios: Nenas e nenos nados de 2014 a 2019 – escolarizados e sen cueiro-.
O horario: de 09:00 h. a 14:00 h. (A entrada poderá facerse a partir das 8:30 h e a recollida
ata as 14:30 h)
Lugar: CEIP O Grupo de Ribeira
CAMPAMENTO DE INGLÉS “CAMP OF CULTURAL SUMMER”
Período: do 3 de xullo ao 31 de agosto de 2023.
Prazas: 30 participantes.
Destinatarios: Nenas e nenos nados de 2010 a 2013.
Horario: de 09:00 h. a 14:00 h. (A entrada poderá facerse a partir das 8:30 h e a recollida
ata as 14:30 h)
Lugar: CEIP O Grupo de Ribeira
CAMPAMENTO URBANO
Períodos: Do 22 ao 30 de xuño de 2023 e do 1 ao 8 de setembro de 2023.
Prazas: 50 participantes.
Destinatarios: Nenos e nenas nados de 2010 a 2019 – escolarizados e sen cueiro-.
Horario: de 09:00 h. a 14:00 h. (A entrada poderá facerse a partir das 8:30 h e a recollida
ata as 14:30 h).
Lugar: Punto de encontro e recollida: CEIP O Grupo de Ribeira
NOTA: A empresa adxudicataria ofrecerá servizo de madrugadores (de 8 a 9h) e comedor
(de 14 a 16h) sempre e cando se inscriban un mínimo de 10 participantes en
madrugadores; e un mínimo de 15 en comedor para cada un dos períodos. Estes servizos
serán abonados directamente polas familias á empresa previa contratación privada.
Admisión de participantes con diversidade funcional:
As persoas que teñan unha discapacidade igual ou superior ao 33% poderán participar
nesta convocatoria cumprindo os seguintes requisitos:
- Facer constar a súa condición no impreso de solicitude, co fin de planificar os apoios persoais
necesarios, se os precisara. - Presentar o certificado oficial de grao de discapacidade no momento da solicitude e que no
mesmo non se recolla a necesidade de axuda dunha terceira persoa. - Ter capacidade de integración nun grupo e que as súas limitacións e/ou necesidades especiais
lles permitan participar e beneficiarse das actividades que se van desenvolver. - Non presentar trastornos que poidan alterar a convivencia durante o transcurso da actividade.
- Ter unha capacidade mínima de comunicación e de participación nas actividades que se van
desenvolver.
PREZOS:
*No momento da preinscrición as familias deberán elixir a modalidade que corresponda:
Campamento de verán “Xoga con Nós”:
Prezo de Matrícula: Xullo: 85 € – Agosto: 85 € – Xullo e Agosto: 150 €
Prezo bonificado: Xullo: 68 € – Agosto: 68 € – Xullo e Agosto: 120 €
Campamento de inglés “Camp of cultural summer”:
Prezo de Matrícula: Xullo: 95 € – Agosto: 95 € – Xullo e Agosto: 170 €
Prezo bonificado: Xullo: 76 € – Agosto: 76 € – Xullo e Agosto: 136 €
Campamento urbano:
Prezo de Matrícula: 42 €
Prezo bonificado: 33,60 €
Verán completo:
Prezo de matrícula: Xullo e Agosto de “Xoga con Nós” + Campamento urbano: 180 €
Prezo bonificado: Xullo e Agosto de “Xoga con Nós” + Campamento urbano: 144 €
Prezo de matrícula: Xullo e Agosto “Camp of cultural summer” + Camp. urbano: 200 €
Prezo bonificado: Xullo e Agosto “Camp of cultural summer” + Camp. urbano: 160 €
REQUISITOS PARA BONIFICACIÓNS:
Aplicarase un desconto do 20% sobre o importe de matrícula, aos fillos/as das familias
que reúnan algunha das seguintes condicións ou circunstancias, e así o acrediten
previamente no momento da preinscrición mediante a aportación dos documentos
pertinentes (non serán acumulativos no caso de darse máis dunha circunstancia):
- Familias que teñan a obtención do TÍTULO DE FAMILIA NUMEROSA.
- Familias acolledoras ou monoparentais que o acrediten documentalmente co certificado oficial.
- Familias con dous ou máis inscritos/as nesta actividade: o desconto aplicaríase na matrícula do
segundo fillo/a e sucesivos. - Familias nas que, ao menos, un dos seus membros sexa DESEMPREGADO/A DE LONGA
DURACIÓN (que teñan acreditado un período de inscrición ininterrompido como
desempregados/as na oficina de emprego de 180 días se fosen menores de 25 anos ou de 45
ou máis anos de idade, e de 365 días se fosen maiores de 25 e menores de 45 anos de idade,
debendo presentar vida laboral e/ou certificado de períodos de inscrición na Oficina de
Emprego). - Familias nas que o propio participante acredite unha DISCAPACIDADE DE AO MENOS O 33%
(acreditando tal condición co certificado de discapacidade).
PRAZOS E FORMA DE PRESENTACIÓN DE SOLICITUDES:
Ábrese un prazo de preinscrición do 24 de maio ao 5 de xuño de 2023 (ambos inclusive).
As solicitudes faranse a través do Rexistro Xeral do Concello de Ribeira:
As solicitudes faranse a través do Rexistro Xeral do Concello de Ribeira:
- De maneira presencial na Oficina de Atención Cidadá do Concello (atención ao
público de 9.00 h. a 14.00 h.) presentando a ficha de inscrición cuberta, folla de
autorización, copia do DNI do participante e do pai/nai/titor e demais documentación
esixida. - De forma telemática (necesario certificado dixital) a partir das 9:00 h do 24 de maio a
través da web www.ribeira.gal no seguinte apartado –SEDE ELECTRÓNICA- TRÁMITES
DESTACADOS – SOLICITUDE XENÉRICA. Deberase tramitar a solicitude de carácter xeral
e axuntar a ese procedemento a ficha de inscrición cuberta, folla de autorización
asinada, copia do DNI do participante e do pai/nai/titor así como o resto da
documentación obrigatoria.
Documentación OBRIGATORIA e que se deberá xuntar á solicitude: - Ficha de inscrición debidamente cuberta (Anexo I).
- Autorización de participación debidamente cuberta (Anexo II).
- DNI ou folla do libro de familia correspondente ao participante.
- DNI do pai/nai/titor responsable.
- Certificado de empresa (si corresponde, de cada proxenitor) ou declaración
responsable no caso de autónomos, para ter en conta o criterio da prioridade na
admisión (se non se presenta acompañando á solicitude non se terá en conta e
non poderá ser emendado cara ao criterio de prioridade na admisión). - Se ten dereito a bonificación do prezo da matrícula deberá presentar ademais
copia da documentación acreditativa: título de familia numerosa, certificación de
familia acolledora, certificación de discapacidade, certificación de
monoparentalidade, acreditación de desemprego de longa duración, etc.
LISTAXES DE ADMISIÓN E AGARDA:
As listaxes de admisión, agarda e vacantes publicaranse o 8 de xuño. As listaxes publicaranse
na páxina web do Concello de Ribeira, www.ribeira.gal e nas redes sociais de ENTÉRATE
CULTURA E FESTEXOS. Tendo en conta a protección de datos de carácter persoal, na lista
publicarase o nº de rexistro de entrada da solicitude.
Os requisitos para a participación en caso de superar as prazas ofertadas serán os seguintes
por orde de prelación:
- Persoas empadroadas no municipio de Ribeira.
- Familias monoparentais nas que traballe o proxenitor.
- Familias nas que traballen os dous proxenitores.
- Familias nas que traballe un dos proxenitores.
- Por rigorosa orde de inscrición segundo o número do Rexistro.
- Empadroados noutro municipio.
Se quedasen solicitude en agarda iranse cubrindo as baixas por orde de inscrición segundo a
listaxe de espera. Nestes casos o departamento de cultura contactará previamente co
solicitante para comunicarlle dita circunstancia.
Se quedasen prazas vacantes dispoñibles, poderanse facer novas inscricións dos xeitos
anteriormente citados nos prazos a determinar pola Concellería de Cultura, sendo cubertas as
vacantes por rigorosa orde de solicitude.
PAGAMENTO:
As persoas que aparezan como admitidas na listaxe deberán realizar o pagamento do
importe correspondente (con ou sen bonificación) mediante autoliquidación do 12 ao 21 de
xuño. Aqueles participantes admitidos que non realicen o pago neses prazos non poderán
asistir á actividade e serás dados de baixa en beneficio da listaxe de agarda.
*INSTRUCCIÓNS DE REALIZACIÓN DE PAGO: Entrar na web municipal www.ribeira.gal, no
apartado SEDE ELECTRÓNICA-RECIBOS E IMPOSTOS-AUTOLIQUIDACIÓNS AVANZADAS-
TRIBUTO: PRECIO PÚBLICO ACTIVIDADES CULTURAIS, e cubrir os datos que se requiren
seleccionando no apartado datos de cálculo “OPCIÓN DO CAMPAMENTO CORRESPONDENTE
– BONIFICACIÓN: SI OU NON”. O pago poderá facerse directamente a través da opción PAGAR
ONLINE ou IMPRIMIR RECIBO e realizalo na sucursal bancaria ou no seu caixeiro.
Unha vez realizado o pagamento deberase entregar a xustificante do mesmo ao monitorado
o día de comezo da actividade; será requisito indispensable para o acceso e participación na
actividade, senón non poderán entrar.
