Declaración Institucional polo pasamento de Manuel Ayaso lido polo alcalde ao inicio do pleno extraordinario deste martes

16 Maio 2023

Os grupos que conforman a Corporación Municipal de Ribeira desexan transmitir o seu máis sincero pesar polo pasamento no día de onte de Manuel Ayaso Dios, Fillo Predilecto da cidade e un dos artistas máis sobranceiros do Concello, de Galicia e de toda España.

Queremos expresar o noso pésame aos seus familiares, amigos e veciños e foráneos en xeral que se sentiron cativados por este creador universal, posuidor dun estilo único e inconfundible só a altura dos grandes mestres como Goya ou Picasso, o que o fixo merecedor de innumerables distincións: Premios Trubeck, Premio de Pintura da Fundación Tiffany, Premio Purchase do Museo Estatal de Nova Jersey, Premio de Artes Plásticas de Galicia, Premio Barbantia e moitos outros.

Para quen habitamos neste municipio constitúe unha inmensa perda no persoal e no institucional. Sumámonos ás exequias da familia, gardaremos un minuto de silencio e un crespón pende xa da fachada consistorial. E por sempre quedará na praza do Concello a escultura en bronce coa súa efixie, e que contén os versos dunha canción de berce que Manuel lle dedicou á súa dona, Lucía, e aquí reproducimos:

“Si queres que brille a lúa
pecha os ollos, meu amor’e,
que mentras os tes abertos
a lúa pensa que hai sol’e”

De Aguiño ao ceo.
Descanse en paz, querido Manolo.

Outros artigos

Publicidade

Revista en papel

Opinión

“A vivenda” – José Manuel Pena

“A vivenda” – José Manuel Pena

É un ben de mercado para o negocio particular ou un dereito básico, fundamental e humano, como pode ser a educación, a sanidade, a prestación por desemprego ou a xubilación? A vivenda, en Galicia e no resto de España, continúa sendo un negocio e un ben de...

“A forza da gratitude”. Luís Celeiro

“A forza da gratitude”. Luís Celeiro

Daquela, hai algo máis de cincuenta anos, algúns dos aldeáns e aldeás das aldeas de Lugochegaban ao Instituto para abrir as portas do futuro, pechadas a cal e canto para os fillos daMariña, para os das montañas da Fonsagrada, dos Ancares, do Courel e da Lóuzara...