José Paz Cadabal, expresidente da Asociación Ribeirense de Empresarios e fundador da compañía Joypa, faleceu aos 72 anos de idade. Natural de Frións, foi unha figura clave no desenvolvemento do tecido comercial da capital barbancesa e de toda a comarca, sendo un dos principais valedores da ampliación do polígono de Xarás.
Deixa coa súa marcha un profundo legado no sector comercial ribeirense, aínda que antes de dedicarse en corpo e alma aos negocios tivo tempo para explotar outra das súas grandes paixóns: o mar. Paz Cadabal exerceu durante 23 anos como mariño mercante antes de asentarse definitivamente en Ribeira.
Foi no 1996 cando se lanzou á aventura empresarial, fundando a compañía de extintores Joypa —nome que xurdiu da unión da primeira sílaba do seu nome e o da súa muller—. No ano 2004 Paz Cadabal reafirmou o seu compromiso con Ribeira e os seus comercios da man da Asociación Ribeirense de Empresarios.
Os restos mortais de José Paz Cadabal están a ser velados no tanatorio das Dores. Este mércores ás sete e cuarto da tarde terá lugar a salidad do recinto en dirección ao cemiterio municipal de Ribeira, e posteriormente as oito e media oficiarase o seu funeral.
