Olloboi celebrarase en Boiro entre o 22 e o 26 de maio

03 Abril 2023

Boiro acolle o festival de cine audiovisual Olloboi que se celebrará entre o 22 e o 26 de maio e no que está previsto que participen uns 150 escolares de diversos centros. A concelleira de cultura, María Outeiral, e as organizadoras de Olloboi, Ana Moreiras e Sara Hermo, falaron máis polo miúdo do programa deste ano.
“Olloboi da este ano un salto cualitativo xa que vai a durar oito días e a programación é moito mais completa ao incluír presentación de libro, proxeccións, encontros coa xuventude…”, afirmou Ana Moreiras, organizadora do festival. O venres 26 será o propio día do festival, cun formato moi
semellante ao do ano pasado, coa muchachada e a visualización das curtas.
A organización contará cuns 25 cómplices este ano, profesionais do cine que están a desenvolver proxectos e colaboran no desenvolvemento do festival. Entre os cómplices hai xente do equipo de As Neves, como Lucía Catoira e Silvia Fuentes; xente de Honey Moon, como Lorena Vilas e Quique
Otero; xente do Quipo de Cuñados; Lucía Estévez; Leticia T. Blanco…
“Este ano introducimos tamén unha colaboración con todos os centros educativos de primaria e secundaria do municipio para facer unha curta por cada centro educativo e que se proxectarán no Pazo de Goiáns”, afirmou Sara Hermo. Nesta ocasión vanse levar a cabo tamén obradoiros para os centros de
secundaria sobre cine e creación de contidos e aspectos técnicos do cine.
A concelleira de Cultura, María Outeiral, resaltou o gran traballo que realizan dende o equipo de Olloboi en colaboración cos cómplices para levar a cabo un festival como este que “que vai a mais cada ano, cada vez conta con máis participación e que leva a cultura e o mundo audiovisual aos centros de ensino e aos nosos rapaces e rapazas e pon a Boiro no mapa do audiovisual”

Outros artigos

Publicidade

Revista en papel

Opinión

“El Estado soy yo”. Manuel Dominguez

“El Estado soy yo”. Manuel Dominguez

 Es una frase apócrifa que Luis XIV de Francia habría pronunciado el 13 de abril de 1655 ante el Parlamento de París, a los dieciséis años de edad No obstante, tal frase no consta en las actas de las reuniones del Parlement, por lo que se duda que tal anécdota...