Estes luns 3 de abril presentouse un avance do plan de integración urbana do río Tins aos seu paso pola Serra de Outes. Trátase de tres proxectos xa redactados e outro máis en proceso que se integran no Plan de Reordenación de Espazos e Integración Ambiental do Río Tins, que elabora a Escola de Arquitectura da Universidade da Coruña, no marco da iniciativa Renatur-Outes. Este plan de integración inclúe, entre outros, os seguintes puntos:
-Humanización da praza do Concello e mellora da súa conexión co paseo fluvial.
-Bancada para a conexión do paseo fluvial e a Horta do Muíño coa trama urbana da Serra de Outes.
-Nova pasarela sobre o río Tins para conexión da praza do Concello coa rúa Tins.
-Recuperación da área degradada situada detrás da nave de Frutas Pauma.
Aquí podemos ver o vídeo que mostra como se materializarán estes proxectos.
