Este 3 de abril, o Concello de Outes, fixo entrega do premio á mellor tapa correspondente á primeira edición do concurso En Outes de Tapas ao Restaurante Fera, pola súa Tapa do Pumar.
O galardón foi entregado aos responsábeis do establecemento de mans do alcalde Manuel González, quen lles deu os seus parabéns polo bo traballo realizado.
O Restaurante Fera, emprazado no número 7 da rúa Pumar (Cando, Outes), é un dos grandes referentes da nosa comarca en materia de cociña galega e produtos de proximidade.
O Concurso de Tapas en Outes celebrou a súa máis recente edición entre o 3 e o 11 do pasado mes decembro, acadando unha grande aceptación entre os veciños e visitantes. A nota predominante foi a calidade das tapas que cada local puxo en concurso e a alta participación. Os datos resultantes, despois do reconto, din que foron case 2.600 tapas servidas e cunha valoración moi alta de todas elas por parte dos participantes.
Nesta edición participaron o Restaurante Asador Albatros, o Restaurante Pepe do Coxo e o Restaurante O Taboleiro, do Freixo; Casa Amanda e Joh Turkey, da Serra de Outes; A Nosa Taberna e Casa Roque de San Ourente e Restaurante Fera.
A tapa mellor valorada polos participantes foi como dixemos a Tapa do Pumar, do Restaurante Fera, en Cando.
