Unha nova pelexa multitudinaria nesta ocasión en Oleiros, saldouse co corte dunha pálpebra a un dos mozos que se viron envolvidos na liorta. Un dos individuos participantes tamén estivo implicado na disputa de Bandourrío na que lle arrincaron a orella dunha dentada a un mozo e da que informamos en “obarbanza.gal” hai uns días
O suceso tivo lugar durante a madrugada do sábado, durante a celebración dunha festa na contorna de Oleiros. Un dos implicados acudiu polo seu propio pé ao centro de saúde presentando un corte de consideración nunha pálpebra por mor dun violento golpe. O ferido foi trasladado ao hospital de Barbanza onde se tramitou a denuncia por presunto delito de lesións.
