A Pobra achega un obradoiro de conciliación no 2 de maio

21 Abril 2023

O vindeiro 2 de maio (día non lectivo), o Concello da Pobra do Caramiñal achega un obradoiro de conciliación dirixido a crianzas da Infantil e da Primaria.

A concelleira da Igualdade, Charo Varela, xunto coa axente da igualdade, Carolina Rodríguez, indicou que con esta nova iniciativa de lecer vacacional seguen a darse novos pasos para favorecer a conciliación da vida laboral e familiar nos fogares do concello.

Como vén sendo habitual, este servizo desenvolverase no CEP Salustiano Rey Eiras, en horario de 09.00 a 14.00 horas. O prezo sitúase nos 3 euros por nena/neno, pero aplicaráselle un desconto do 50% á segunda irmá ou irmán e será de balde para o/a terceiro/a.

A maiores, ofrécese a opción dos servizos de Madruga e Comedor, dos cales cómpre consultar as condicións.

As inscricións débense efectuar antes do día 28 de abril no Departamento da Igualdade, situado fronte á Casa Consistorial.

Tamén segue operativo o Espazo de Coidados Corresponsables para conciliar polas tardes. Trátase dunha prestación municipal de balde ao abeiro do Plan Corresponsables promovido e financiado con fondos procedentes do Ministerio da Igualdade.

Máis información no enderezo electrónico igualdade@apobra.gal ou no teléfono de contacto 981832764, marcando a extensión 6.

Outros artigos

Publicidade

Revista en papel

Opinión

“Oporto”. Alberto Barciela

“Oporto”. Alberto Barciela

Oporto puede seguirse en el sentido serpenteante de un río, o en la vertical de un océano, ascenderse o descenderse por meandros encajados en calles que a veces semejan acantilados, que siempre se precipitan hacia agua, una urbe universal cerca del tiempo que le tocó...