Este xoves 30 de marzo celebrouse unha nova actividade divulgativa das encadradas na XVII edición das Xornadas de Información Sociosanitaria de Outes. Desenvolveuse baixo o epígrafe Dende Outes: Dieta Atlántica e, como se indica no seu lema, botou luz sobre os beneficios para a saúde da nosa alimentación tradicional, moi baseada no consumo de peixe e marisco e en produtos vexetais como cereais, patacas, legumes e hortalizas cultivadas na nosa terra, aos que se engaden os produtos lácteos en calquera das súas manifestacións, e carne en cantidades moderadas.
A conferencia foi impartida por Flor Dios Villameá, licenciada en Medicina pola Universidade de Santiago de Compostela, e mestrada (master) en Medicina Naturista e Terapeuta Corporal. A conferencia desenvolveuse no salón de actos da Casa da Cultura da Serra de Outes, baixo unha asistencia de mais de 50 persoas.
A coordinación correu a cargo do doutor Xosé Mª Dios Diz, médico especialista de Atención Primaria de Outes.
Ao final do acto, o relatores foron agasallados con unha figura de artesanía feita polos usuarios de ADISBISMUR Valadares (Outes).
A vindeira conferencia vai a ser o 27 de abril de 2023, baixo o título Cancros que veñen de fóra? O virus do papiloma e o camiño para comprendelos impartida polo profesor e doutor Jorge Mira Pérez, catedrático de electromagnetismo do departamento de Física Aplicada da USC, e vai ser na Casa da Cultura da Serra de Outes.
