Este mércores 15 de marzo o alcalde de Outes, Manuel González, e a tenente de alcalde Alba Quintela (concelleira de Obras, Servizos e Medio Ambiente) estiveron visitando os traballos de xestión forestal que desenvolve o alumnado do Obradoiro de Emprego comarcal (impulsado por Outes, Lousame e Noia) no paseo do Freixo a Broña. A través das tarefas levadas a cabo polo Obradoiro estanse a retirar os gomos de eucalipto ao tempo que se realizan plantacións de bidueiros, castiñeiros e sobreiras.
O Obradoiro de Emprego Noia-Lousame-Outes forma a 20 alumnos destes concellos, durante 12 meses, na especialidade de repoboacións forestais e tratamentos silvícolas.
