Dous novos falecidos con covid na área sanitaria de Santiago e Barbanza elevan a 554 as cítimas do Santiago- Barbanza . Trátase dunha muller de 77 anos e un home de 95 e en ambos os casos, o Sergas apuntou que tiñan patoloxías previas.
Nas últimas xornadas aumentaron os casos activos, aínda que o nivel de contaxios segue sendo baixo. No informe publicado este sábado rexistrábanse 184 persoas que nestes momentos están infectadas polo virus. A subida é paulatina, pero constante, desde finais de xaneiro. No que respectaá comarca tan só Carnota mantense libre do virus. En Lousame, que levaba varias xornadas co contador de novos contaxios a sete días a cero, saíron á luz entre un e dous positivos. Tamén se incrementou lixeiramente a incidencia acumulada a unha semana en Muros, un municipio no que o pasado luns se rexistraban máis dunha decena de casos.
