Na mañá deste 14 de marzo celebrouse en Boiro a asemblea xeral extraordinaria da ABE, que se saldou coa reelección de Daniel García Dosil como presidente da patronal de Boiro para os dous vindeiros anos. Finalizado o pasado venres o prazo de presentación de candidaturas, a única recibida foia a de Daniel García polo que na asemblea deste martes 14 soamente restaba realizar o trámite da ratificación. No mesmo acto, o presidente reelixido estivo acompañado do seu equipo directivo que o seguirá acompañando nesta nova lexislatura.
Equipo directivo
Daniel García Dosil, presidente
Francisco Javier Caamaño Bouzas, videpresidente
Santiago Cajaraville Cardama, secretario
Jesús Manuel Santamaría Somoza, tesoureiro
Cristian Lago, vocal
Luis Miranda Sueiro, vocal
Óscar España Fernández, vocal
Palabras de agradecemento
O presidente amosouse “moi agradecido polo confianza dos socios e do equipo directivo” e expresou que o obxectivo para estes dous anos é “manter o crecemento e a estabilidade económica da entidade así como seguir posicionando a ABE como unha das entidades empresariais mais recoñecidas a nivel nacional”.
De xeito paralelo á reelección celebrouse a asemblea ordinaria anual. No seu transcurso aprobáronse as contas do pasado exercicio e fíxose balance do ano 2022 no que o presidente quixo destacar “a incorporación á ABE de 14 novas empresas, a tramitación de 72 subvencións e captación para as empresas asociadas de 489.000€ en axudas que se traduciron en mais de 700.000€ de investimento”.
Tamén quixo destacar dúas accións estrela da entidade; a primeira os Bonos ABE que “dende a súa posta en marcha a finais de 2020 achegaron as empresas asociadas nada menos que 57.785 € e que agora compleméntanse cos Bonos ABE #negocios10 que practicamente están esgotados apenas 15 días despois de poñerse en circulación” e a segunda o novo sistema de fidelización Puntos ABE que “estreamos en decembro de 2022 e que tres meses despois conta con 1.554 usuarios e 9.798 tíckets rexistrados, un éxito sen precedente nunha iniciativa deste tipo e que nos fai estar enormemente satisfeitos e decididos a seguir apostando por esta ferramenta dixital”.
