O pleno de Ribeira avalou a xestión directa por parte do Concello do aparcamento do Centenario
a corporación de Ribeira reuniuse este xoves para celebrar un pleno extraordinario urxente, no que se deu conta da renuncia do edil do PBBI Miguel Ángel Vázquez, tratouse o expediente de municipalización do aparcamento do Centenario e o grupo de goberno presentou as propostas de actuacións e medidas ás que destinar o POS provincial. O pleno avalou a creación dunha comisión de estudo sobre a viabilidade da xestión directa das instalacións por parte do Concello.
Manuel Ruiz, rexedor ribeirense, recoñeceu que foi un «proceso longo e confuso». O BNG pediu que os grupos da oposición tivesen participación no proceso que se abre, ao que Ruiz propuxo que cando os técnicos redacten a proposta convóquese unha reunión á que poderán asistir os concelleiros que o desexen para coñecer o contido da mesma.
Os outros dous puntos do pleno tiveron que ver con Plan Único de Concellos (POS) da Deputación.
