O Centro Cultural Lustres Rivas encheuse na tarde deste martes 7 de febreiro con motivo do inicio do curso dedicado aos coidadores de persoas con alzhéimer organizado pola Asociación AGADEA e a Escola Galega de Saúde para os Cidadáns, recibindo a colaboración dos Servizos Sociais do Concello.
Neste senso, máis de medio cento de persoas acudiron ao dito centro cultural para escoitar as pautas ofrecidas por Miguel Ángel Gómez Vázquez, avogado, experto universitario en mediación familiar e xestión de intelixencia emocional.
A acción formativa tivo como obxectivos:
• Adestrar aos/as participantes do curso das ferramentas precisas para facer fronte aos coidados específicos a persoas que padecen Alzhéimer e outras demencias neurodexenerativas.
• Coñecer, entender e aplicar na practica, a necesidade de establecer unha estrutura a cal deberá soportar o desenvolvemento posterior como coidador.
