Gran seguimento na convocatoria da plataforma SOS Sanidade en Santiago de Compostela. Miles de persoas reuníronse este domingo para denunciar a “grave situación” da sanidade pública galega, que “se agrava ano tras ano, sobre todo en Atención Primaria”.
Con esta protesta, a entidade conformada por decenas de colectivos sociais, sindicais e políticos galegos culminou o proceso de recollida de firmas na que leva meses traballando. Estas serán presentadas no Parlamento galego para o inicio da tramitación dunha lei que “acabe cos problemas da Atención Primaria”.
