Dúas persoas tiveron que ser atendidas no Hospital do Barbanza por síntomas relacionados coa inhalación de fume durante un incendio na vivenda da Pobra do Caramiñal, incendio que resultou ser intencionado.
Os equipos de emerxencias desprazados no lugar do feitos, no lugar da Mirandela, observaron a manipulación de bombonas e o uso de material incendiario como o detonante dun lume con consecuencias en toda a vivenda. Ardeu un sofá, colchóns e roupa, e dúas persoas que habitaban o piso recibiron asistencia médica por unha posible intoxicación por inhalación de fume. De feito, deberon ser trasladadas ao centro hospitalario de referencia.
Para facer fronte a esta situación, desencadeada pasada esta medianoite, os xestores do 112 Galicia solicitaron a colaboración dos Bombeiros de Boiro e Ribeira, así como de Urxencias Sanitarias de Galicia-061, Protección Civil da localidade e dos axentes de seguridade da Garda Civil e da Policía Autonómica.
Así, pola súa parte, serán os equipos de investigación das forzas da orden quen determinen as causas deste incendio, aínda que existe evidencia da intencionalidade do lume.
