Reforma integral da estrada entre O Camiño Ancho e A Figueira

11 Xaneiro 2023

Están en marcha as obras de mellora na estrada que comunica O Camiño Ancho e A Figueira.
Trátase da segunda fase da reforma integral desta vía iniciada en 2015 coa dotación da rede de saneamento e asfaltado dun camiño de terra que se abrira recentemente, segundo apunta o alcalde da Pobra do Caramiñal, Xosé Lois Piñeiro (Nós Pobra).
Agora compleméntase coa rede de pluviais, co soterramento dos cables do alumeamento público, coa pavimentación e pintando as marcas da estrada, cun investimento de 47 442’19 euros, IVE incluído, por executar no prazo dun mes, tal e como anuncia a concelleira dos Servizos Municipais, Estefanía Ramos (Nós Pobra). A dita actuación atópase ao abeiro do POS+2022 e Construcciones Anspal S.L. resultou a empresa adxudicataria tras permanece-lo proxecto público na plataforma de contratación do Estado.
Con relación a isto último, o rexedor explica que se tramitou con máis axilidade ca outras intervencións adscritas a anteriores plans, pois agora a institución provincial permite o contrato menor sen o sometemento ao proceso de licitación.

Outros artigos

Abertas as inscricións para a nova Andaina San Silvestre Rianxo

BeOne Rianxo Piscina Municipal de Rianxo organiza unha nova edición da Andaina San Silvestre Rianxo. Será o 31 de decembro a partir das 10.00 horas. A distancia a percorrer será de 12 quilómetros. As inscricións están abertas e teñen un custe de 10 euros máis a achega...

+

Na Pobra o espírito do Nadal xa se vive no CAD

Comeza o mes de decembro e o CAD situado na Pobra do Caramiñal xa ten todo preparado para o Nadal. De feito, neste día 1 deron a benvida oficial a esta época festiva.Un trineo, unha casiña de xenxibre ou a caixa de correo para os Reis Magos son algúns dos elementos...

+

Publicidade

Revista en papel

Opinión

“O falar das pedras”. Luís Celeiro

“O falar das pedras”. Luís Celeiro

O falar das pedras é moito falar. Din o que saben, o que pasaron e o que será. As pedras gardan as mensaxes do tempo, as raias dos anos, dos miles e millóns de anos e cóntannolo aos que as escoitamos, aos que as miran e as queren. Millóns de anos escribindo e deixando...