O Concello de Outes presentou detalles sobre a convocatoria 2023 do seu Plan de Recuperación de Árbores Autóctonas, un programa que pon o foco na reivindicación de especies da nosa terra no canto dos prexudiciais cultivos de foráneas e invasoras, poñendo o foco plantación de autóctonas nas franxas secundarias a xeito de protección contra os lumes forestais.
A través desta convocatoria, o Concello repartirá de maneira gratuíta plantas de castiñeiro entre as persoas propietarias que as soliciten (máximo 15 plantas por propietario). Terán prioridade as veciñas e veciños que non tiveron participado nas edicións anteriores deste plan.
As peticións deberán ser formalizadas a través do departamento de Urbanismo do Concello, os días 24, 25, 26 e 31 de xaneiro, e os días 1, 2 e 3 de febreiro, chamando previamente ao teléfono 637 063 677 (horario de mañá).
