Desaloxado un edificio na Pobra por un incendio nun ático

Sobre as oito da mañá deste venres rexistrouse un incendio na rúa San Roque da Pobra, nas inmediacións da casa do concello, obrigou a desaloxar un edificio de catro plantas. O lume afectou o ático nun dos rochos que se sitúan na planta alta do inmoble, onde se orixinou por causas que se están investigando.
As chamas eran visibles desde diferentes puntos da vila e montouse un amplo dispositivo de emerxencias, do que formaron parte bombeiros dos parques de Boiro e Ribeira, que se encargaron de extinguir as chamas, e axentes da Policía Local e a Garda Civil.