Este xoves 5 de xaneiro o Cemiterio de Boisaca en Santiago acolleu a tradicional ofrenda floral a Ramón María del Valle-Inclán na ofrenda floral, acto solemne que serviu para para conmemorar, este ano, o 87 aniversario do ilustre intelectual tan fortemente vencellado á Pobra do Caramiñal. Durante o acto tamén se lembrou a Isaac Díaz Pardo, finado o 5 de xaneiro de 2012 e tamén soterrado no cemiterio compostelán, “onde repousan tamén dous dos últimos autores homenaxeados no día das Letras Galegas, Antón Fraguas e Ricardo Carvalho Calero”, sinalou o conselleiro de Cultura e Educación, Román Rodríguez, que estivo acompañado dunha ampla representación institucional, da cultura e familiares do homenaxeado. Rodríguez puxo en valor a ambos intelectuais como figuras de extraordinaria relevancia no século XX e destacou, ademais do seu talento e traballo, a fonda pegada humana que deixaron.
O acto celebrase desde 1986 e contou coa presenza de representantes da Xunta, os concellos de Santiago, Vilanova e Cambados e tamén con Xaquín del Valle-Inclán Alsina, neto do escritor.
